کـربــــلاده بیــر آنــا حـالـی پــریشانــدی حسین
سینه سی دیرناق یاراسیننان دولی قاندی حسین
اصغره لای لای چالیـر یـاتمیــر ولی دیلسیــز بالا
سوت یـوخـی تشنه ملر آهوسی گریـاندی حسین
***
ئیلدی مهمان نــوازی خــوش قـونـاخدان حرمله
غونچامی گول آچمامیش دردی بوداخدان حرمله
چـوخ وارییدی آرزوم تـا بـوی چکیب اصغر قاچا
اصغری دیـل آچمامیـش سالدی ایـاخـدان حرمله
***
مـن ربــابـم ســوز آهیـــم آسمــانــی داغلیــار
حـالیما گـولـرده قـوش یـرلرده داشلار آغلیــار
بیـکسم ، آوارییــم ،چــوللرده اصغــردن سـورا
بیـر آنـانین اوغلو اولسه گـوزلرین کیم باغلیار
***
من ربــابــم کی منیـم احــوالیـمه سو آغلادی
بـوش قالان گهواریه بـاخــدیم هیاهو آغلادی
حـرمله صیــاد اولوب جیرانیمی صید ئیلدی
هــربـالاسی اوخــلانان چــوللرده آهو آغلادی
***
من ربـابـم قـاره می اصغـر اولنن سویمادیم
اصغریم منن اگر دویسا من اوننان دویمادیم
حـرمله تیـر سه شعبه آتدی اولدوم خونجگر
اوغلوم اولدی یاسه باتدیم بخته ور من اولمادیم
***
سوت یوخوم شرمنده یم حالی پریشاندی بالام
شاهد اول الله لب عطشانیدی اوخلاندی بالام
ای گـــرفتـــاران ویـرون چنــگ تــوسل اصغره
آلتـی آیلیــخدی ولی هـــر درده درمـاندی بالام
#جوادالماسی(سنگ صبور)
@javadalmasi59 کانال اشعار
برچسب : نویسنده : javadalmasi59a بازدید : 167