زبانحال حضرت زینب

زبانحال ام المصائب زینب کبری(س)

نجه زیبا اوزه بیر نقشیلی خوش قاش یاراشار
زینبه ! شاه شهیدان کیمین قارداش یاراشار

دِیمه عشقیمدی حسین عشقیده تای یوخدی منه
اوزوک اولسایدی حسین زینب اونا قاش یاراشار

کربلا واقعه سی غم غمین اوستن اَلیور
بو بلا دشتینه زینب کیمین یولداش یاراشار

دونه سَن قانه فرات سنده علمداریم اولوب
غیرت ساقی لب تِشنیَیه پاداش یاراشار

زینبم کرب وبلاده بلیمی غَملَر اَییب
یِدّی قارداشی اولن گوزلره گوز یاش یاراشار

نیزه باشینده اولا قارداشین ایستکلی باشی
باجییا چوبه یِ مَحملِده سینیق باش یاراشار

بو حسیندور کی اونا گُوده ملک قاره گیوب
کیم دیور باشینه کول ،آرنینا دا داش یاراشار؟

چکلیب دفترو وه شعله ی غم سنگ صبور
زائر کرب و بلا اولماقا گوز یاش یاراشار

جواد الماسی

سنگ صبور...