آخرین مطالب
امکانات وب
عـزا همیشه ساخلارام خـزان اولان بهاریمه
همیشه سینـه داغلارام بـو غملی روزگاریمه
نه شوکتیم قالیبدی بـو زمـانه ده نه عزتیم
اورک یـانـار گوز آغلیار تالان اولان وقاریمه
یازیبدی بختیمی قارا بختی یازاندا سرنوشت
گوجی چاتیب فلک منیم آلچاق اولان دوواریمه
اولاندا یاده سالمیان هفته به هفته ایل به ایل
گـول گئتیره نـه فایده بـو توز قونان مزاریمه
گلایه یوخـدی تیـر غـــم آتا اگر چه دوشمانیم
یولداش الینده داش آتور بو شیشه ی قطاریمه
گوده اوچان قوشا دئدیم یرده اولان داشا دئدیم
خبــر ویرون داریخمیشام او بی وفـا نگاریمه
یازدی گئنه غم سوزونی دفترینه سنگ صبور
خزان یلی عجب ئسیر گول آچمامیش بهاریمه
#جوادالماسی(سنگ صبور)
@javadalmasi59 کانال اشعار
+ نوشته شده در چهارشنبه ۲۶ بهمن ۱۴۰۱ ساعت 19:53 توسط سیدمحمدمهدی هاشمی/شاعر جواد الماسی |
سنگ صبور...ما را در سایت سنگ صبور دنبال می کنید
برچسب : نویسنده : javadalmasi59a بازدید : 91