آخرین مطالب
امکانات وب
اوز حالیما آغلامیشام...
اوز حالیما گئچن گئجه صبحه کیمین آغلامیشام
من بـو بـلالی باشیمه گئورنه سیــنه داغلامیشام
رسمِ طبیعتدی سولار گــول یتیشه فصلِ خزان
خزان ویریبدی گول کیمین بهاریمه سارالمیشام
دوزدی دییللر کی یـانـار یاشدا قورونون اوتونا
اوت قالانیبدی بی گناه منده بو اوتدا یانمیشام
غصه و غم هر جاوانی تز قوجا شیکلی اوخشادار
یالان دئمئز کـی آینه بـاخیــر دئییر قوجالمیشام
واردی شیکایتیم کی یوخ نیه منیم الیمده دوز ؟
یاخچیلیغین جوابینه همیشه پیسلیخ آلمیشام
سئویله گوناهیم نییدی فاش ائله ای چرخ ِ فلک
هاییم گئدیب واییم قالیب نیه بو حاله قالمیشام
سوزلریمی یـــازا یـــازا دفتــره گوز یاشیم آخیب
آغلیـا آغلیــا اوخــو بو سوزلـــری کی یازمیشام
بیر بیله غم یوخدی ولی بیرکس اولا سنگ صبور
اوز حالیما اوزوم یانیب یواش یواش آغلامیشام
#جوادالماسی(سنگ صبور)
@javadalmasi59 کانال اشعار
برچسب : نویسنده : javadalmasi59a بازدید : 181