آخرین مطالب
امکانات وب
گئجه لر ...
نه بیلیرسن نه چکیر دردی اولاننار گئجه لر ؟
یا کی حسرت اوتونا سینه یاناننار گئجه لر
رسمیدور هر گوله آفت ویرا تئز رنگی سولار
غوصه لردن قوجالار رنگی سولاننار گئجه لر
آیریلیخ دردی یامان دردیدی کی یاخچی بیلر
یاغیش آلتیندا قالیب ته دولاناننار گئجه لر
یاتا بیلمز گئجه راحت سینه سی داغلی اولان
گوزلری یاشلی اولار چوخلی زاماننار گئجه لر
دوس ویرار دیل یاراسی، دوشمانی اونناندا بئتر
هـارا گئتسون بئله آواره قـالاننـار گئجه لر ؟
کیم بیلیر وار نه اوره لرده قالان سوزلریمیز؟
اودوکی سوزلرینی چوخدی یازاننار گئجه لر
آختـاریـر دردینـه درمــان ئلیه سنگ صبـور
درده درمـان دولانـار دردی اولاننار گئجه لر
#جوادالماسی(سنگ صبور)
@javadalmasi59 کانال اشعار
ما را در سایت سنگ صبور دنبال می کنید
برچسب : نویسنده : javadalmasi59a بازدید : 188